بعد خبره في السواقة بقالي 16 سنة
جوه مصر وبره مصر بالهدوء والمسكنةاكتشفت ان السواقه بالادب مش ممكنة
العافيايجه كانو صح واللي غلطان هو انا
من بكره هاعمل زيهم وامشي على طول ف الشمال
واللي هيفكر يعدي مش هاوسعله المجال
واخطف الغرزة السريعه دي الغرز طبع الرجال
اللي ماشيين بالهداوة يا إما ستات او عيال
هالغي فوانيس الإشارة مش انا عندي دراعين؟
عادي ابقى في الشمال وفجأة ادخل في اليمين
واللي جنبي يخلي باله هو يعني ملوش عينين
المهم اكون مهدي قبل ما ادخل ع الكمين
لو طريقي لقيته زحمه لازم اهرب م اللي حاصل
عادي جدا أمشي عكسي ومش مهم أعمل مشاكل
نوري عالي ومش في بالي اللي ماشي في المقابل
اصلي لو ممشيتش عكسي هابقى خيخه ومش مقاتل
أوعو بقى حد يعارضني أو يقولي ده مش كلام
هي دي اصول السواقه بالدراع والالتحام
السواقه ف مصر عافيه ومش هيعدلها نظام
لو قدرت تسوق بادبك قول وانا اضربلك سلام
هناك تعليقان (2):
يااه..شكلك جبت أخرك خلاص من السواقة..انا عامة بسوق ساعة و ارجع مقتولة و أقعد أقول هى ازاى الناس بتسوق و تشتغل..المفروض يتسوق ياتشتغل..عندك حق فى معظم اللى قولته..فى ناس كتيير بقوا ماشيين بالدراع فى مصر و خصوصا فى حكاية السواقة دى..
الى متابعتي الوحيدة
روزي
انا فعلا تعبت جدا من اسلوب السواقة دي بس المشكلة بقى اني مش عارف انفذ اللي انا قلت اني هاعمله
اخلاقي وطبيعتي مانعاني اني اسوق بالدراع
مش عارف اعمل ايه
لكن برضه شكرا على التعليق الجميل
إرسال تعليق